ՆՈՒՐՈՏՈՆ ԶԵՐՈ ՕՇԱՐԱԿ 100մգ 5մլ 100գ

Հրահանգ

Նուրոտոն^@ դեղամիջոցի բժշկական օգտագործման մասին

Թողարկման ձևը. Սուսպենզիա, ներքին ընդունման համար համար:

Դեղային ձևի նկարագրությունը. Սպիտակ կամ գրեթե սպիտակ գույնի սուսպենզիա, մածուցիկ կոնսիստենցիայով, քաղցր համով, նարնջի յուրահատուկ հոտով, թույլատրվում է սուսպենզիայի շերտատում, ինչը վերացվում է թափահարելով:

Բաղադրությունը. Սուսպենզիայի 5 մլ որպես ազդող նյութ պարունակում է 100 մգ իբուպրոֆեն:

Օժանդակ նյութեր. Սպիտակ բյուրեղային շաքար (սախարոզա), գլիցերին, պրոպիլենգլիկոլ (E 1520), մակրոգոլգլիցերինի հիդրօքսիստեարատ, լիմոնաթթվի մոնոհիդրատ, նատրիումի կաբօքսիմեթիլցելյուլոզ, սիլիցիումի կոլոիդային անջուր դիօքսիդ, նատրիումի դիհիդրոֆոսֆատ դիհիդրատ, արոմատիզատոր Նարինջ, նատրիումի սախարին, մեթիլպարահիդրօքսիբենզոատ (E218), պրոպիլպարահիդրոքսիբենզոատ  (E216), մաքրված ջուր:

Ֆարմակոթերապևտիկ խումբը

Ոչ ստերոիդային հակաբորբոքիչ և հակառևմատիկ միջոցներ: Պրոպիոնային թթվի ածանցյալները:

Կոդ ATC. M01AE01

Դեղաբանական ազդեցությունը

Ֆարմակոդինամիկա

Իբուպրոֆենը պրոպինային թթվի ածանցյալ է: Ունի ջերմիջեցնող, ցավազրկող, հակաբորբոքիչ ազդեցություն: Իբուպրոֆենի ազդեցության մեխանիզմը պայմանավորված է, նախ և առաջ, պրոստագլանդինների (ՊԳ) կենսասինթեզի ճնշմամբ, ցիկլոօքսիգենազի (ՑՕԳ) ակտիվությունը նվազեցնելու հաշվին:

Սա ֆերմենտ է, որը կարգավորում է արախիդոնային թթվի` պրոստագլանդինների, պրոստացիկլինի և թրոմբոքսանի փոխակերպման գործընթացը: Ընդ որում, արախիդոնային թթվի նյութափոխանակության ցիկլոօքսիգենազային ուղին անդառնալի արգելակվելու արդյունքում նվազում է պրոստագլանդինների առաջացումը:

Պրոստոգլանդինների խտության նվազումը բորբոքման տեղում ուղեկցվում է բրադիկինինի, էնդոգեն պիրոգենների, այլ կենսաբանորեն ակտիվ նյութերի, թթվածնի ռադիկալների և NO առաջացման նվազումով: Այս ամենը բերում է բորբոքային գործընթացի ակտիվության նվազման (իբուպրոֆենի հակաբորբոքիչ էֆեկտը) և ուղեկցվում է ցավային ռեցեպցիայի փոքրացմամբ (անալգեզացնող էֆեկտ): Պրոստոգլանդինների խտության նվազումը ցերեբրոսպինալ հեղուկի մեջ բերում է մարմնի ջերմաստիճանի կարգավորմանը (հակապիրետիկ էֆեկտ):

Ֆարմակոկինետիկա.

Ընդունելուց հետո իբուպրոֆենի 80% ներծծվում է մարսողական տրակտից: Պատրաստուկի 90% ներծծվում և կապվում է արյան պլազմայի սպիտակուցների հետ (հիմնականում, ալբումինների հետ): Արյան պլազմայի մեջ առավելագույն խտության հասնելու շրջանը, եթե ընդունել եք անոթի -45 րոպե, ուտելուց հետո ընդունելու դեպքում` 1.5 – 2.5 ժամ; սինովիալ հեղուկի մեջ` 2 – 3 ժամ, որտեղ ստեղծվում են ավելի մեծ խտություններ, քան արյան պլազմայի մեջ: Դեղապատրաստուկը օրգանիզմում չի կուտակվում:

Իբուպրոֆենը, գլխավորապես նյութափոխանակվում է լյարդում: Ենթարկվում է նախահամակարգային և հետհամակարգային նյութափոխանակության: Ներծծվելուց հետո իբուպրոֆենի դեղաբանորեն ոչ ակտիվ ձևի մոտ 60% դանդաղ փոխակերպվում է ակտիվ ձևի: Դեղապատրաստուկի 60 - 90% դուրս է բերվում երիկամների միջոցով, մեթաբոլիտների և գլյուկորոնային թթվի հետ նրանց միացությունների ձևով: Լեղու հետ և անփոփոխ տեսքով անջատվում է ոչ ավել, քան 1%: Մեկ անգամյա դեղաչափն ընդունելուց հետո դեղապատրաստուկը ամբողջովին դուրս է բերվում 24 ժամվա ընթացքում:

Ֆարմակոկինետիկայի որևէ հետազոտություն երեխաների մոտ չի կատարվել:

Գրականության մեջ եղած տվյալները հաստատում են, որ իբուպրոֆենի ներծծումը, մեթաբոլիզմը և օրգանիզմից դուրս բերումը երեխաների մոտ տեղի է ունենում նույն ձևով, ինչ և մեծահասակների մոտ:

Ցուցումներ` ընդունման վերաբերյալ

-         Մարմնի ջերմաստիճանի իջեցում տենդի ժամանակ, այդ թվում նաև հետպատվաստումային:

-         Մրսածության  և գրիպի ախտանիշների թեթևացում;

-         Ցավային համախտանիշի բուժում` թույլից չափավոր ինտենսիվության (օրինակ, ցավեր ատամները դուրս գալու ժամանակ, ատամնացավ, ականջի ցավ, գլխացավ, ցավ ոչ մեծ վնասվածքների, կապանների և մկանների ձգվածքների ժամանակ):

Օգտագործման եղանակը և դեղաչափերը

Պերոռալ ընդունման համար

Դեղամիջոցը նախատեսված է միայն կարճաժամկետ ընդունման համար:

5 մլ սուսպենզիան պարունակում է 100 մգ իբուպրոֆեն:

Օգտագործելուց առաջ թափահարել այնքան, մինչև ստացվի համասեռ սուսպենզիա:

Դեղամիջոցը ընդունում են ուտելուց հետո, որևէ այլ հեղուկի հետ խմելով:

Փաթեթի հետ տրվող ներարկիչ-դոզատորը թույլ է տալիս ճշգրիտ դեղաչափավորել դեղամիջոցը:

1.      Բացեք անհատական փաթեթը, որի մեջ մտնում է ներակիչ-դոզատորը և ներդիրը կամ միայն ներարկիչ դոզատորը: Հանեք սրվակի կափարիչը: Դրեք, եթե դա անհրաժեշտ է, սրվալի վերին հատվածում, այնպես, որ այն ամուր կերպով ֆիքսվի: Դրեք ներարկիչ-դոզատորը ներդիրի անցքի մեջ (սխեման ներկայացված է ստորև):    

2.      Շրջեք սրվակը և քաշեք ներարկիչի մխոցը այնքան ժամանակ, քանի դեռ մխոցի ծայրամասը չի հասել դեղամիջոցի համապատասխան ծավալի նշմանը (սխեման ներկայացված է ստորև):  Եթե դեղամիջոցի անհրաժեշտ ծավալը գերազանցում է ներարկիչի առավելագույն ծավալը (5 մլ), ապա տես. կետ 4: 

3.      Շրջեք սրվակը ներարկիչի հետ, բերեք ելման` ուղղաձիգ դիրքին: Համոզվեք, որ ներարկիչի մխոցը չի տեղաշարժվել և մխոցի ծայրը գտնվում է պահանջվող նշման վրա: Դուրս բերեք ներարկիչը ներդիրի անցքից (ներդիրը պետք է թողնել ֆիքսված սրվակի մեջ): Փակեք սրվակը կափարիչով:

4.      Հիվանդը պետք է գտնվի ուղղաձիգ դիրքում (բացառությամբ կրտսեր տարիքի երեխաների, տես. կետ 7 - 10): Դանդաղ սեղմել ներարկիչի մխոցի վրա, աստիճանաբար ազատ թողնելով դեղամիջոցը: Չի թույլատրվում կտրուկ սեղմել մխոցը: Դեղամիջոցը դուրս գալու ժամանակ ներարկիչի անցքը թեքել դեպի այտի  ներքին մակերևույթը: Եթե  դեղամիջոցի անհրաժեշտ ծավալը  գերազանցում է ներարկիչի առավելագույն ծավալը, ապա պետք է վերը նկարագրված կետը կրկնել, որպեսզի ներմուծված սուսպենզիայի գումարային ծավալը համապատասխանի դեղաչափին:

5.      Քանդել ներարկիչը և լվանալ մաքուր խմելու ջրով: Սպասել, մինչև բնականորեն կչորանա:

6.      Պահպանեք սրվակը և ներարկիչ-դոզատորը երեխաների համար անմատչելի տեղում:

Դեղամիջոցի ընդունումը կրտսեր երեխաների մոտ (մինչև 3 տարեկան), այդ թվում նաև կրծքով կերակրվելու տարիքում (մինչև 1 տարեկան):

7.      Վերը նկարագրված 1 - 3 կետերը կատարելուց հետո երեխային պետք է բերել այն դիքին, որում կերակրում եք, (տես.ստորև բերված նկարում):

8.      Տեղավորեք ներարկիչի ծայրը երեխայի բերանում և դանդաղ լցրեք դեղամիջոցը այտի ներքին մակերևույթին:

9.      Անհրաժեշտ է դադարներ տալ դեղապատրաստուկը ներմուծելիս, երեխային հնարավորություն տալու նպատակով, որ նա աստիճանաբար կուլ տա դեղամիջոցը:

10.  Երեխան դեղամիջոցը ընդունելուց հետո նրան պետք է ջուր տալ ոչ մեծ քանակությամբ, որպեսզի բերանում մնացած դեղամիջոցը ևս կուլ տա:

11.  Կատարել 5 – 6 կետերը:

Դեղաչափավորման ռեժիմը

Անցանկալի ռեակցիայի զարգացման հավանականությունը կարող է հասցվել նվազագույնի, եթե օգտագործել եք նվազագույն արդյունավետ դեղաչափը նվազագույն ժամանակահատվածում, որն անհրաժեշտ է ախտանիշները վերացնելու համար:

Դեղաչափը սահմանվում է, կախված երեխայի տարիքից և մարմնի զանգվածից:

Նշանակվում է 20-30 մգ/կգ օրական. Այս օրական դեղաչափը պետք է բաժանել մի քանի մասերի, ընդ որում, մեկանգամյա դեղաչափը կարող է կազմել երեխայի մարմնի զանգվածի 5 մինչև 10 մգ/կգ: Չի թույլատրվում գերազանցել օրական առավելագույն դեղաչափը:

Դեղամիջոցը նշանակվում է մեկանգամյա դեղաչափով, ստորև բերված սխեմայով.

Օգտագործումը հետպատվաստումային տենդի ժամանակ

Նուրոտոն^@ դեղամիջոցի 2.5 մլ, 100մգ/5 մլ (ինչը համապատասխանում է 50 գ իբուպրոֆենին) մեկ անգամ: Անհրաժեշտության դեպքում երկրորդ ընդունումը 2.5 մլ (50 գ իբուպրոֆեն) 6 ժամ հետո: Չի թույլատրվում օգտագործել ավելի, քան 5 մլ դեղամիջոց 24 ժամվա ընթացքում: Եթե մարմնի բարձր ջերմաստիճանը չի իջնում, ապա անհրաժեշտ է խորհրդակցել բժշկի հետ:

Այլ ցուցումներ

Դեղամիջոցի ընդունումը կարելի է կրկնել  յուրաքանչյուր 6 – 8 ժամը մեկ (ըստ անհրաժեշտության), պահպանելով 4 ժամից ոչ պակաս միջակայք հերթական դեղաչափերի միջև:

Պետք չէ դեղաչափը դարձնել կրկնակի, եթե բաց եք թողել պատրաստուկի ընդունումը: Եթե հերթական դեղաչափը բաց եք թողել, պետք է ընդունել պատվաստուկը, ըստ անհրաժեշտության, հենց հիշել եք այդ մասին, պայմանով, որ նախորդ դեղաչափն ընդունելուց հետո  անցել է առնվազն 4 ժամ:

Հակացուցված է դեղամիջոցի օգտագործումը 3 ամսականից փոքր երեխաների մոտ: 3 – 6 ամսական երեխաների մոտ հնարավոր է դեղամիջոցի օգտագործումը միայն բժշկի մոտ խորհրդակցելուց հետո: Եթե դեղամիջոցը ընդունելուց հետո առաջին 24 ժամվա ընթացքում այս տարիքային խմբի երեխաների մոտ ախտանիշները պահպանվում կամ ավելի են խորանում, պետք նորից դիմել բժշկին:

Եթե պահանջվում է դեղամիջոցի կիրառությունը ավելի քան 3 օրվա ընթացքում, երեխաների մոտ սկսած 6 ամսականից, կամ եթե հիվանդության ախտանիշները խորանում են, չնայած կատարվող բուժմանը, պետք է դիմել բժշկին:

Պետք չէ գերազանցել խորհուրդ տրվող դեղաչափը:

Նուրոտոն^@  օգտագործվում է ոչ ավել, քան 3 օր, որպես ջերմիջեցնող միջոց և ոչ ավել, քան 5 օր, որպես ցավազրկող:

Եթե տենդը պահպանվում է ավելի, քան 3 օր, իսկ ցավային համախտանիշը ավելի, քան 5 օր է, ապա անհրաժեշտ է դիմել բժշկին:

Կողմանկի ազդեցություններ

Նուրոտոն^@, մյուս դեղամիջոցների նման կարող է հարուցել անցանկալի ռեակցիաներ, բայց նրանք առաջանում են ոչ բոլորի մոտ:

Վիճակներ, որոնց պետք է հատուկ ուշադրություն դարձնել (առավել լուրջ անցանկալի ռեակցիաներ)

-         Ոչ դանդաղ տիպի ալերգիկ ռեակցիաներ

Դեղամիջոցը ընդունելիս հազվադեպ  կարող են առաջանալ բարձր զգայունության ոչ դանդաղ տիպի ռեակցիաներ: Այս ռեակցիաները առաջանում են հանկարծակի, դեղամիջոցն օգտագործելուց հետո մոտ ժամանակահատվածում (մի քանի վայրկյան կամ րոպե հետո) և կարող են արագ շատանալ: Կարող է ի հայտ գալ.

·         Անաֆիլաքսիա, Կվինկեի այտուց կամ ծանր շոկ:

Դրսևորումները. կարող են առաջանալ հետևյալ ախտանիշներից մեկը կամ բոլորը միաժամանակ

-         Կոկորդի, ձայնալարերի, դեմքի, շրթունքների, ըմպանի և/կամ լեզվի այտուց, որն ընդունակ է բերել շնչառության դժվարացման` շնչուղիների անցանելիությունը վատանալու հետևանքով, կլման վատացմանը կամ խոսելու ընդունակության վատացմանը, հաճախ միաժամանակյա արթերիալ ճնշման անկման հետ:

·         Բարձր զգայունության ռեակցիաներ շնչուղիների կողմից.

Դրսևորումները. Կարող են առաջանալ ասթմայի ախտանիշներ, արդեն գոյություն ունեցող ասթմայի ախտանիշների խորացում, բրոնխոսպազմ, շնչարգելություն:

Եթե նկատել եք թվարկված ախտանիշներից որևէ մեկը, որոնք, Ձեր կարծիքով, ալերգիկ ռեակցիայի զարգացման արդյունք են, անհրաժեշտ է անհապաղ դադարեցնել դեղամիջոց ընդունելը և անմիջապես դիմել բժշկական օգնության:

-         Ծանր մաշկային ռեակցիաներ

Այս ռեակցիաները կարող են զարգանալ դեղամիջոցը ընդունելու գործընթացում կամ նրա ավարտից հետո.

·         Եղնջատենդ

Դրսևորումները. Քոր ունեցող կարմիր ցան, որն ուղեկցվում է մաշկի բորբոքումով;

·         Սթիվենս-Ջոնսոնի համախտանիշ և տոքսիկ էպիդերմալ նեկրոլիզ (վերջինս ավելի ծանր ձևն է, որի դեպքում առաջանում է  մաշկի ընդարձակ շերտատում, որը կարող է ընդգրկել մարմնի մակերևույթի ավելի, քան 30 տոկոսը):

Դրսևորումները. Տարածված ցան կարմիր բծերի, բշտիկների, ցավոտ խոցերի տեսքով, որոնք ուղեկցվում են թեփոտումով և մաշկի և լորձաթաղանթների շերտատմամբ. Ախտահարվում են բերանի խոռոչի, քթի, աչքերի, սեռական օրգանների լորձաթաղանթները, մաշկի ցանկացած տեղամասեր; մինչև մաշկի և լորձաթաղանթների վրա փոփոխությունների ի հայտ գալը կարող է նկատվել մարմնի ջերմաստիճանի բարձրացում, դող, ցավ կոկորդում, գլխացավեր;

·         Սուր, ընդհանրացված էկզենտեմատոզային պուստուլեզ:

Դրսևորումները. Կարմիր, քորվող տարածված ցան, որը մաշկի մակերևույթից բարձր է լինում, բշտեր, որոնք հիմնականում տեղակայվում են մաշկային ծալքերի, մարմնի և վերին վերջույթների վրա, բուժման սկզբում ուղեկցվում են տենդով;

·         Բազմաձև էրիտեմա.

Դրսևորումները. Հայտնվում են բծեր` ոչ մեծ թիրախների տեսքով (մուգ մասը կենտրոնում է և շրջապատված է ավելի գունատ գոտիներով, բաց գոտու ուրվագծով առաջանում է մուգ օղակ); կարող են առաջանալ նաև այլ տեսակի բծեր, բշտիկներ, մաշկային փոփոխություններ, որոնք նման են բշտերի. Մաշկի ախտահարումը կարող է ուղեկցվել մարմնի ջերմաստիճանի բարձրացմամբ և բարձր գերհոգնածությամբ, ինչպես նաև լորձաթաղանթների ախտահարումով (աչքերի, սեռական օրգանների, բերանի խոռոչի);

·         Դեղային ռեակցիա էոզինոֆիլիայով և համակարգային ախտանիշներով (DRESS-համախտանիշ).

Դրսևորումները. Գրիպանման ախտանիշներ ցանի, տենդի հետ (մարմնի ջերմաստիճանի բարձրացումով), մեծացած  ավշային հանգույցներով և արյան ցուցանիշների փոփոխությամբ (ներառյալ էոզիոֆիլների քանակի և լյարդային ֆերմենտների մակարդակի մեծացումը):

Եթե նկատել եք այս ախտանիշների կամ այլ ախտանիշների զարգացում, որոնք Ձեր կարծիքով ծանր մաշկային ռեակցիայի զարգացման հետևանք են, անհրաժեշտ է անհապաղ դադարեցնել դեղամիջոցն ընդունելը և անմիջապես դիմել բժշկին, քանի որ թվարկված մաշկային ռեակցիաներից մի քանիսը կարող են կյանքի համար սպառնալիք լինել:

-         Այլ ալերգիկ ռեակցիաներ

Այլ ալերգիկ ռեակցիաներ, որոնք կարող են զարգանալ դեղամիջոցը ընդունելու գործընթացում կամ նրա ավարտից հետո.

-         Մաշկային ցանի այլ տարատեսակներ:

Հարկավոր է անհապաղ դադարեցնել դեղամիջոցն ընդունելը և անմիջապես դիմել բժշկին:

Կողմնակի էֆեկտների ի հայտ գալու հաճախականությունը գնահատվում է հետևյալ սխեմայով. Շատ հաճախ (ավելի, քան 10 մարդուց 1 մոտ); հաճախ (ոչ ավել, քան 10-ից 1 մարդու մոտ); ոչ հաճախ (ոչ ավել, քան 100 մարդուց մեկի մոտ); հազվադեպ (ոչ ավել, քան 1000 մարդուց 1 մարդու մոտ); շատ հազվադեպ (ոչ ավել, քան 10000 մարդուց մեկ մարդու մոտ); հաճախականությունը չի հաստատվել (չի կարող գնահատվել ունեցած տվյալների հիման վրա):

Վարակներ և ինվազիաներ

Շատ հազվադեպ. Բորբոքային գործընթացի սրացում, որը հարուցվել է վարակով (օրինակ, նեկրոզացնող ֆասցիտի), բացառիկ դեպքերում կարող են նշվել ծանր վարակիչ բարդացումներ մաշկի և փափուկ հյուսվածքների կողմից, ջրծաղիկի դեպքում:

Աղե-ստամոքսային տրակտի կողմից

Ոչ հաճախ. Ցավ որովայնում, սրտխառնոց, դիսպեպսիա;

Հազվադեպ. Դիարեա, մետեորիզմ, սրտխառնոց, փորկապություն;

Շատ հազվադեպ. Մելենա, արյունոտ փսխում, խոցային ստոմատիտ, գաստրիտ, կոլիտի և Կրոնի հիվանդության սրացում, էզոֆագիտ, պանկրեատիտ, աղիքային նեղացումների առաջացում, լորձաթաղանթի և/կամ տասներկումատնյա աղիքի խոցոտում, մի շարք դեպքերում բարդացված պերֆորացիայով և արյունահոսությամբ, երբեմն մահվան ելքով, հատկապես, տարեց մարդկանց մոտ:

Լյարդի և լեղուղիների կողմից

Շատ հազվադեպ – լյարդի ֆունկցիայի խանգարում (հատկապես երկարատև ընդունման դեպքում), հեպատիտ:

Նյարդային համակարգի կողմից

Ոչ հաճախ. Գլխացավ;

Հազվադեպ. Գլխապտույտ, գրգռվածություն, անքնություն, դյուրագրգռություն, հոգնածության զգացողություն;

Շատ հազվադեպ. Ասեպտիկ մենինգիտ (հաճախ աուտոիմունային հիվադություն ունեցող հիվանդների մոտ, օրինակ, համակարգային կարմիր գայլախտի, խառը շարակցական հյուսվածքների հիվանդության դեպքում), որոնք դրսևորվում են այնպիսի ախտանիշներով, ինչպես ծոծրակային մկանների կոշտությունն է, գլխացավը, սրտխառնոցը, փսխումը, տենդը և կողմնորոշման կորուստը:

Տեսողական օրգանի կողմից

Ոչ հաճախ. Տեսողական խանգարումներ (տեսողության անհստակություն կամ դիպլոպիա), չորություն և գրգռվածություն աչքերում, կոնյուկտիվի և կոպերի այտուց (ալերգիկ գենեզի):

Լսողության օրգանի կողմից

Հազվադեպ. Լսողության նվազում, զանգ կամ աղմուկ ականջների մեջ:

Արյան և ավշային համակարգի կողմից

Շատ հազվադեպ. Անեմիա (այդ թվում հեմոլիտիկ, ապլաստիկ), թրոմբոցիտոպենիա և թրոմբոցիտոպենիկ կարմրություն (պուրպուրա), ագրանուլոցիտոզ, լեյկոպենիա, պանցիտոպենիա (արյունաստեղծման խանգարման առաջին հատկանիշները կարող են լինել, տենդը, կոկորդի ցավը, մակերևութային խոցեր բերանում, գրիպանման ախտանիշներ, արտահայտված հյուծվածություն, անբացատրելի արյունահոսություններ և կապտուկներ):

Սրտի կողմից

Շատ հազվադեպ. Սրտի անբավարարության զարգացում կամ խորացում, տախիկարդիա: Իբուպրոֆենի երկարատև ընդունումը (հատկապես բարձր դեղաչափերով` օրական 2400 մգ) կարող է կապված լինել արթերիալ թրոմբոզների և պաթոլոգիաների ռիսկի մեծացման հետ, որոնք հարուցված են արթերիալ թրոմբոզներով (միոկարդի ինֆարկտ, ինսուլտ):

Անոթների կողմից

Շատ հազվադեպ. Արթերիալ ճնշման բարձրացում,  այտուցների զարգացում: Իբուպրոֆենի երկարատև ընդունումը (հատկապես մեծ դեղաչափերով` օրական 2400 մգ) կարող է կապված լինել արթերիալ թրոմբոզների և պաթոլոգիայի ռիսկի աննշան մեծացման հետ, որը հարուցվել է արթերիալ թրոմբոզների կողմից (միոկարդի ինֆարկտ, ինսուլտ):

Երիկամների և մեզահեռացման ուղիների կողմից

Շատ հազվադեպ. նեֆրոտիկ սինդրոմ (այտուցներ), սուր երիկամային անբավարարություն, պապիլյար նեկրոզ, պոլիուրիա, միզանյութի շիճուկային խտությունների մեծացում, ինտերստիցիալ նեֆրիտ:

Մաշկի և ենթամաշկային հյուսվածքների կողմից

Շատ հազվադեպ. Ալոպեցիա:

Ինչ որ կողմնակի էֆեկտ ի հայտ գալու դեպքում անհրաժեշտ է դադարեցնել դեղամիջոցն ընդունելը և խորհրդակցել բժշկի հետ:

Հակացուցումներ

Հայտնեք բժշկին առողջության հետ ունեցած Ձեր բոլոր խնդիրների  և ալերգիաների մասին, որոնք եղել են կամ ունեք, նախքան կսկսեք ընդունել դեղապատրաստուկը:

·         Հայտնի բարձր զգայունություն իբուպրոֆենի կամ այլ ՈՀԲՄ նկատմամբ (այդ թվում ացետիլսալիցիլային թթվի), ինչպես նաև  դեղամիջոցի օժանդակ բաղադրիչների նկատմամբ (տես. «Բաղադրություն» բաժինը);

·         Բրոնխիալ ասթմայի, քթի և քթամերձ խոռոչների ռեցիդիվ պոլիպոզի և ացետիլսալիցիլային թթվի նկատմամբ անհանդուրժողականության, կամ այլ ՈՀԲՄ նկատմամբ լրիվ կամ ոչ լրիվ զուգակցում (այդ թվում նաև հիվանդության պատմության մեջ):

·         Աղեստամոքսայն տրակտի օրգանների էրոզիվ-խոցային հիվանդություններ (այդ թվում ստամոքսի և տասներկումատնյա աղիքի խոցային ցավ սրացման փուլում, խոցային կոլիտ, պեպտիկ խոց, Կրոնի հիվանդություն):

·         Արյունահոսություն և պերֆորացիաներ աղե-ստամոքսային տրակտում` հիվանդության պատմության մեջ, կապված ՈՀԲՄ ընդունելու հետ:

·         Ծանր երիկամային անբավարարություն (կրեատինինի կլիրենսը ավելի քիչ, քան 30 մլ/րոպ.), երիկամների առաջընթաց ունեցող հիվանդույթւններ:

·         Ծանր լյարդի անբավարարություն կամ լյարդի ակտիվ հիվանդություն:

·         Ծանր սրտի անբավարարություն:

·         Արյան մակարդելիության խանգարումներ (այդ թվում  հեմոֆիլիա, արյունահոսության ժամանակի երկարում, հակվածություն արյունահոսություններին, հեմոռագիկ դիաթեզ):

·         Հղիության վերջին եռամսյակ (տես «Հղիություն և լակտացիայի շրջան»):

·         Մանկական տարիք` մինչև 3 ամսական:

Գերդեղաչափավորում, օգնություն ցուցաբերելու միջոցառումներ գերդեղաչափավորման դեպքում:

Դեղամիջոցը պատահական կամ կանխամտածված մեծ քանակությամբ կուլ տալու  կամ նման կասկածի դեպքում պետք է անհապաղ դիմել բժշկական օգնության:

Երեխաների մոտ ախտանիշները կարող են  դրսևորվել ավելի, քան 400 մգ/կգ դեղաչափ ընդունելու դեպքում: Մեծահասակների մոտ ախտանիշների կախվածությունը դեղաչափից, թույլ է արտահայտված: Իբուպրոֆենի դուրս բերման կիսաշրջանը կազմում է 1.5 – 3 ժամ:

Հնարավոր ախտանիշները գերդեղաչափավորման ժամանակ. Սրտխառնոց, փսխում, ցավ որովայնում, արգելակվածություն, աղմուկ ականջներում, գլխացավ, արյունահոսություն աղե-ստամոքսային տրակտից, դեպրեսիա, քնկոտություն, արյան թթվա-հիմնային հավասարակշռության խանգարում (մեթաբոլիկ ացիդոզի զարգացում), տարածության և/կամ ժամանակի մեջ կողմնորոշման խանգարում (ապակողմնորոշում), կոմա, հեմոռագիկ դիաթեզ, արյան մակարդելիության խանգարում (պրոթրոմբինային ժամանակի երկարում/ MHO), արթերիալ ճնշման իջեցում (հիպոտոնիա), ջղաձգումներ, շնչառության կանգ,  լյարդի ֆունկցիայի խանգարում, սուր երիկամային անբավարարություն, սրտի կծկումների հաճախականության անկում (բրադիկարդիա), հաճախակի սրտխփոցներ (տախիկարդիա), սրտի ռիթմի «խզում» (նախասրտի ֆիբրիլյացիա): Մինչև 5 տարեկան երեխաները հատուկ հակվածություն ունեն շնչառության կանգի (ապնոէ), կոմայի և ջղաձգումների նկատմամբ: Բրոնխիալ ասթմա ունեցող հիվանդների մոտ հնարավոր է հիվանդության սրացում:

Գերդեղաչափավորման ժամանակ անհրաժեշտ է հաշվի առնել դեղամիջոցի մեջ օժանդակ նյութերի` պրոպիլենգլիկոլի առկայությունը:Պրոպիկենգլիկոլը մեծ քանակությամբ ընկնելով օրգանիզմի մեջ, ունի հարբեցնող էֆեկտ, երեք անգամ ավելի փոքր, քան  էթալոնի այդ քանակությունը:

Պրոպիլենգլիկոլի անցանկալի այդ ռեակցիաները նրա գերդեղաչափավորման ժամանակ կարող են դրսևորվել կենտրոնական նյարդային համակարգի կողմից (արթերիալ ճնշման իջեցում, սրտի ռիթմի խանգարում): Արյան օսմոտիկ ճնշման մեծացումը (հիպերօսմոլյարություն) և թթվա-հիմնային հավասարակշռության խանգարումը` արյան մեջ լակտատի մակարդակի բարձրացման հաշվին (լակտացիդոզ), ավելի հաճախ հանդիպում են երիկամային անբավարարություն ունեցող հիվանդների մոտ:

Կարող են նշվել երիկամային ֆունկցիայի խանգարումներ (սուր տուբուլյար նեկրոզ, սուր երիկամային անբավարարություն), շնչառական համակարգի ֆունկցիայի խանգարումներ (շնչառության ճնշում, շնչարգելություն), լյարդի ֆունկցիայի խանգարումներ, հեմոլիտիկ ռեակցիաներ (ներանոթային հեմոլիզ) և հեմոգլոբինի ի հայտ գալը մեզի մեջ (հեմեգլոբինուրիա): Այս անցանկալի ռեակցիաները հաճախ հանդիպում են մեծ քանակությամբ պրոպիլենգլիկոլի ներքին ընդունման դեպքում կամ մինչև 4 տարեկան երեխաների մոտ, այդ թվում, նորածին երեխաների, հղի կանանց և լյարդի կամ երիկամային անբավարարություն ունեցող հիվանդների մոտ:

Դիսուլֆիրամանման ռեակցիաները նույնպես կարող են առաջանալ հիվանդների մոտ, ովքեր  միաժամանակ ստանում են  դիսուլֆիրամ կամ մետրոնիդազոլ:

Բուժումը: գերդեղաչափավորման կամ գերդեղաչափավորման կասկածի դեպքում պետք է դիմել բժշկական օգնության: Հնարավոր է, հարկավոր կլինի հոսպիտալացում և որոշ միջոցների ձեռնարկում, ինչպես ստամոքսի լվացումն է (միայն դեղամիջոցը ընդունելուց հետո 1 ժամվա ընթացքում), ակտիվացնող ածուխի ընդունում, հիմնայի ըմպելիք, սիմպտոմատիկ թերապիա (թթվա-հիմնային վիճակի, արթերիալ ճնշման շտկում, բրոնխոդիլատատորների կիրատություն և այլն):

Փոխազդեցությունը  այլ դեղամիջոցների հետ և փոխազդեցության այլ տեսակներ

Հայտնեք Ձեր բուժող բժշկին, եթե Դուք կամ Ձեր երեխան ընդունում, վերջերս ընդունել կամ պատրաստվում եք ընդունել ինչ որ այլ դեղապատրաստտուկներ, նախքան Ձեզ կամ Ձեր երեխային կնշանակեն Նուրոտոն^@ դեղամիջոցը.

Իբուպրոֆենը( ինչպես և ոչ ստերոիդային հակաբորբոքիչ միջոցների խմբի այլ դեղամիջոցները) պետք չէ ընդունել ստորև թվարկվող դեղամիջոցների հետ.

·         Ացետիլսալիցիլային թթու

Խորհուրդ չի տրվում իբուպրոֆենի միաժամանակյա ընդունումը ացետիլսալիցիլային թթվի հետ, կապված հնարավոր անցանկալի ռեակցիաների զարգացման հետ:

Լաբորատոր հետազոտությունների արդյունքներով ենթադրվում է, որ իբուպրոֆենը ացետիլսալիցիլային թթվի փոքր դեղաչափերի հետ միաժամանակ ընդունելը կարող է մրցակցային արգելակել թրոմբոցիտների ագրեգացումը: Չնայած այս տվյալների էքստրապոացման թույլատրելիությունը կլինիկական պրակտիկայում դեռևս մնում է անորոշ:

Չի կարելի բացառել իբուպրոֆենի կանոնավոր երկարատև ընդունման ազդեցությունը` ացետիլսալիցիլային թթվի փոքր դեղաչափերի կարդիոպաշտպանիչ հատկությունները նվազեցնելու վրա: Իբուպրոֆենի էպիզոդիկ ընդունման ազդեցությունը ացետիլսալիցիլային թթվի կարդիոպաշտպանիչ հատկությունների վրա,  համարվում է քիչ հավանական:

·         Այլ ՈՀԲՄ, ներառյալ ցիկլոօքսիգենազա-2 ընտրովի արգելակիչները:

Պետք է խուսափել երկու կամ ավել ՈՀԲՄ միաժամանակ ընդունելուց, քանի որ այդ դեպքում կարող է մեծանալ պատրաստուկների անբարենպաստ ազդեցության ռիսկը:

·         Հակակոագուլյանտներ:

ՈՀԲՄ կարող են ուժեղացնել այնպիսի հակակոագուլյանտների էֆեկտները, ինչպես վարֆարինն է (տես. «Հատուկ ցուցումներ և նախազգուշական միջոցառումներ» բաժինը):

·         Միզամուղներ, ԱՊՓ արգելակիչներ, բետա-ադրենոբլոկատորներ և անգիոտենոզ II ռեցեպտորների անտագոնիստներ:

Իբուպրոֆենը կարող է նվազեցնել միզամուղների և այլ հակահիպերտենզիվ պատրաստուկների ազդեցությունը: Երիկամների ֆունկցիայի խանգարում ունեցող որոշ հիվանդների մոտ ԱՊՓ արգելակիչների, բետա-ադրենոբլոկատորների կամ անգիոտենոզ II ռեցեպտորների անտագոնիստների և իբուպրոֆենի  համատեղ ներմուծումը  կարող է բերել երիկամային ֆունկցիայի հետագա վատացմանը: Այսպիսով, նշված դեղապատրաստուկների զուգակցումը պետք է իրականացնել զգուշությամբ, հատկապես տարեց մարդկանց մոտ:

Կալիումը պահպանող դիուրեցիտների և իբուպրոֆենի համատեղ ընդունումը կարող է բերել հիպերկալիեմիայի:

·         Դիգոկսին, ֆենիտոնին, մետետորեքսատ: Իբուպրոֆենի միաժամանակյա ընդունումը

Դիգոկսինի, ֆենիտոնինի, մետետորեքսատի կամ լիթիումի պատրաստուկների հետ կարող է մեծացնել այդ պատրաստուկների խտությունը արյան մեջ: Բացի դրանից, ՈՀԲՄ կարող են վատացնել սրտային անբավարարության ընթացքը և փոքրացնել կծիկային ֆիլտրման արագությունը (ԿՖԱ), սրտային անբավարարությունը սրտային գլիկոզիդներով բուժելու ժամանակ:

·         Ցիկլոսպորին:

 Իբուպրոֆենը բարձրացնում է ցիկլոսպորինի պլազմային խտությունը և նրա հեպատոտոքսիկ էֆեկտների զարգացման հավանականությունը, ինչպես նաև մեծացնում է նեֆրոտոքսիկության զարգացման ռիսկը:

·         Տակրոլիմուս:

 Միաժամանակյա ներմուծման դեպքում մեծանում է նեֆրոտոքսիկության ռիսկը:

·         Կարտիկոստերոիդներ:

 Իբուպրոֆենը բարձրացնում է աղե-ստամոքսային տրակտի արյունահոսության ռիսկը:

·         Միֆեպրիստոն:

ՈՀԲՄ  չպետք է ընդունել  մեֆեպրիստոն ընդունելուց  8 – 12 օր հետո, քանի որ, ինչպես և բոլոր ՈՀԲՄ, իբուպրոֆենը կարող է բերել միֆոեպրիստոնի էֆեկտի նվազեցմանը:

·         Հակադիաբետիկ միջոցներ:

 Համատեղ ընդունման դեպքում իբուպրոֆենը բարձրացնում է պեռորալ հակադիաբետիկ միջոցների (սուլֆոնիլմիզանյութի ածանցյալների) և ինսուլինի  հիպոգլիկեմիկ էֆեկտը:

·         Զիդովուդին:

Կա հեմարտրոզի և հեմատոմաների ռիսկի մեծացման հավանականություն ՄԻԱՎ-դրական մարդկանց մոտ, ովքեր ունեն հեմոֆիլիա, և միաժամանակ ընդունում են զիդովուդինը իբուպրոֆենի հետ:

·         Միկրոսոմալ օքսիդացման ինդուկտորներ (ֆենիտոին, էթանոլ, բարբիտուրատներ, ռիֆամպիցին, ֆենիլբուտազոն, տրիցիկլիկ հակադեպրեսանտներ):

 Մեծացնում են հիդրօքսիլացված ակտիվ մեթաբոլիտների արտադրությունը, բարձրացնելով ծանր հեպատոտոքսիկ ռեակցիաների զարգացման ռիսկը:

·         Անտացիդներ և խոլեստիրամին:

 Իջեցնում են իբուպրոֆենի աբսորբցիան: Համատեղ նշանակման դեպքում դեղամիջոցները պետք է ներմուծվեն մի քանի ժամ միջակայքի տարբերությամբ:

·         Ցեֆամանդոլ, ցեֆոպերազոն, իեֆոտետան, վալպրոյաթթու պլիկամիցին:

Մեծացնում են հիպոպրոթրոմբինեմիայի զարգացման հաճախականությունը:

·         Խինոլոնային հակաբիոտիկներ:

Միաժամանակյա ընդունումը իբուպրոֆենի հետ կարող է մեծացնել ջղաձգումների զարգացման ռիսկը:

·         Կապտոպրիլ:

Իբուպրոֆենը արգելակում է նատրիումի արտազատումը (կապտոպրիլի էֆեկտը):

·         Պրոբենեիիդ և սուլֆինպիրազոն:

Պրոբենեիիդ և սուլֆինպիրազոն պարունակող դեղամիջոցները կարող են դանդաղեցնել իբուպրոֆենի անջատումը:

·         Ռիտոնավիր:

Կարող է մեծացնել իբուպրոֆենի պլազմային խտությունները:

·         Ամինոգլիկոզիդներ:

Իբուպրոֆենը կարող է փոքրացնել ամինոգլիկոզիդների դուրս բերումը:

·         Մելոտոքսիկ միջոցներ:

Ուժեղացնում է դեղապատրաստուկի հեմատոտոքսիկ դրսևորումները:

·         Կոֆեին:

Ուժեղացնում է իբուպրոֆենի անալգեզացնող էֆեկտը:

Հատուկ ցուցումներ և նախազգուշական միջոցառումներ

-                     Անցանկալի էֆեկտների արտահայտվածությունը կարող է փոքրանալ արդյունավետ նվազագույն դեղաչափը ընդունելիս, որը պահանջվում է ախտանիշները վերահսկելու համար, ավելի  կարճ ժամանակահատվածի ընթացքում:

-                     Տարեց մարդկանց մոտ կողմնակի ռեակցիաների առաջացման հաճախականությունը, որոնք հարուցվել են ՈՀԲՄ, մեծանում է: Հատկապես վտանգավոր են աղե-ստամոքսային արյունահոսությունները և պերֆորացիան, որոնք կարող են մահացու լինել այդ կատեգորիայի հիվանդների համար: Դեղամիջոցի կիրառությունը այս կատեգորիայի հիվանդների մոտ պահանջում է զգուշություն և բժշկական վերահսկողություն:

-                     Բրոնխիալ ասթմա կամ ալերգիկ հիվանդություններ կամ հիվանդության պատմության մեջ այդպիսի վիճակներ ունեցող հիվանդների մոտ իբուպրոֆեն ընդունելու ժամանակ հնարավոր է բրոնխոսպազմի զարգացում:

-                     Համակարգային կարմիր գայլախտի (ՀԿԳ) և շարակցական հյուսվածքի խառը հիվանդության ախտանիշների առկայության դեպքում իբուպրոֆեն ընդունելու ֆոնի վրա մեծանում է ասեպտիկ մենինգիտի զարգացման ռիսկը:

-                     Իբուպրոֆենի հիմքով դեղապատրաստուկները զգուշությամբ պետք է ընդունեն երիկամների ֆունկցիայի խանգարում ունեցող հիվանդները, քանի որ հնարավոր է այդ խանգարումների խորացում իբուպրոֆեն ընդունելու ֆոնի վրա: Գոյություն ունի երիկամների ֆունկցիայի խանգարման ռիսկ դեհիդրատացիա ունեցող երեխաների մոտ:

-                     Լյարդի ֆունկցիայի խանգարումների ժամանակ Նուրոտոն^@ պետք է ընդունել զգուշությամբ:

-                     Իբուպրոֆենով բուժման ժամանակ եթե հիվանդության պատմության մեջ առկա է արթերիալ հիպերտենզիա և/կամ սրտային անբավարարություն, անհրաժեշտ է զգուշություն պահպանել հեղուկը պահվելու, արթերիալ ճնշումը բարձրանալու և այտուցների ռիսկի պատճառով, կապված ՈՀԲՄ բուժման հետ: Կլինիկական փորձարկումների արդյունքները ենթադրում են հնարավոր փոխկապակցվածության առկայությունը իբուպրոֆեն ընդունելու, հատկապես մեծ դեղաչափերով (≥2400 մգ օրական), և թրոմբոտիկ երևույթների ու պաթոլոգիաների զարգացման ոչ մեծ ռիսկի միջև, կապված թրոմբոզների հետ (օրինակ, միոկարդի ինֆարկտի և ինսուլտի ժամանակ): Համաճարակաբանական հետազոտությունները չեն ենթադրում փոխկապակցվածություն իբուպրոֆենի փոքրր դեղաչափեր ընդունելու (≤1200 մգ/օրական) և արթերիալ թրոմբոտիկ երևույթների զարգացման միջև:

-                     Ազդեցությունը արյան մակարդելիության վրա: Իբուպրոֆենը կարող է ժամանակավորապես արգելակել թրոմբոցիտների ֆունկցիան: Ուստի և արյան մակարդելիության խանգարում ունեցող հիվանդները պետք է մանրամասն հետազոտվեն: Փորձարարական տվյալները  ցույց են տալիս ացետիլսալիցիլային թթվի ազդեցության նվազումը, որպես թրոմբոցիտների ագրեգացման արգելակիչ, իբուպրոֆենի հետ միաժամանակ ընդունելիս:

-                     Անվերահսկելի արթերիալ հիպերտենզիա, լճացած սրտային անբավարարություն (ըստ NYHA դասակարգման II-III դասերի), հաստատված սրտի իշեմիկ հիվանդություն (ՍԻՀ) և ծայրամասային արթերիայի ու ցերեբրովասկուլյար հիվանդություններ ունեցող հիվանդները կարող են իբուպրոֆեն ընդունել միայն բժշկի հետ խորհրդակցությունից հետո, անհրաժեշտության դեպքում` բժշկի հսկողության տակ, ընդ որում, պետք է խուսափել իբուպրոֆենի մեծ դեղաչափերից (2400 մգ/օրական): Պետք է խորհրդակցել իբուպրոֆենով երկարատև բուժման հնարավորության հարցի վերաբերյալ (հաշվի առնելով Ձեր վիճակի առանձնահատկությունները), հատկապես բարձր դեղաչափերով (≥2400 մգ օրական), սիրտ-անոթային բարդացումների գործոնների առկայության դեպքում (օրինակ, հիպերտոնիայի, հիպերլիպիդեմիայի, շաքարային դիաբետի և ծխելու):

-                     Հիվանդների մոտ, որոնք հիվանդության պատմության մեջ ունեն ստամոքսա-աղիքային հիվանդություններ (խոցային կոլիտ, Կրոնի հիվանդություն) անհրաժեշտ է ՈՀԲՄ օգտագործել զգուշությամբ, քանի որ հնարավոր է այդ վիճակների սրացում:

Բոլոր ՈՀԲՄ բուժումների ընթացքում  հնարավոր են արյունահոսություններ ստամոքսա-աղիքային տրակտի կողմից, խոցերի առաջացում կամ նրանց պերֆորացում, ընդհուպ մինչև մահվան ելքով (անկախ բուժման ժամկետից): Ընդ որում, նախազգուշացնող ախտանիշները կամ լուրջ երևույթները ԱՍՏ կողմից հիվանդության պատմության մեջ կարող են բացակայել: ՈՀԲՄ դեղաչափի բարձրացման հետ մեծանում է  ԱՍՏ արյունահոսության, խոցերի առաջացման կամ պերֆորացիայի ռիսկը, այդ ռիսկը բարձր է նաև հիվանդների մոտ, ովքեր անամնեզում ունեն խոց, հատկապես խոցի բարդացումով արյունահոսությամբ կամ պերֆորացիայով, և տարեց մարդկանց մոտ:

Հիվանդները, որոնց հիվանդության պատմության մեջ նշվել է ՈՀԲՄ տոքսիկ ազդեցություն ԱՍՏ վրա, պետք է բուժող բժշկին հայտնեն որովայնի շրջանում բոլոր անսովոր ախտանիշների մասին (հատկապես ԱՍՏ արյունահոսության), մեծ չափով դրա վրա պետք է ուշադրություն դարձնել բուժման սկզբում, նաև տարեց մարդկանց մոտ:

Անհրաժեշտ է զգուշություն պահպանել հիվանդներին, ովքեր միաժամանակ ընդունում են դեղամիջոցներ, որոնք կարող են մեծացնել խոցերի և արյունահոսությունների առաջացման ռիսկը, այնպես, ինչպես պեռորալ կորտիկոստերոիդներն են, հակակոագուլյանտները (վարֆարին և այլն), սերոտոնինի և հակաթրոմբոցիտար միջոցների հետադարձ զավթման ընտրովի արգելակիչները (ասպիրին և այլն):

Իբուպրոֆենի ընդունման ֆոնին ԱՍՏ արյունահոսության կամ պեպտիկ խոց առաջանալու դեպքում պետք է դադարեցնել դեղապատրաստուկն ընդունելը և անհապաղ դիմել բժշկական օգնության համար:

-         Ծանր մաշկային ռեակցիաներ: Ոչ ստերեոիդային հակաբորբոքիչ դեղամիջոցներ ընդունելու ժամանակ հաճախ  հայտնի է դարձել լուրջ մաշկային ռեակցիաների զարգացման մասին, նրանցից մի քանիսը եղել են մահվան ելքով, այդ թվում նաև էկսֆոլիատիվ դերմատիտի (մաշկի ընդարձակ բորբոքում և կարմրություն, որոնք ուղեկցվել են բշտիկների առաջացմամբ և մաշկի թեփոտումով) Սթիվենս-Ջոնսոնի ախտանիշի և տոքսիկ էպիդերմիալ նեկրոլիզի (կարմիր բծերի, բշտիկների, ցավոտ խոցերի տեսքով տարածված ցան, որոնք ուղեկցվել են մաշկի և լորձաթաղանթների թեփոտումով և շերտատմամբ: Ախտահարվում են բերանի խոռոչի, քթի, աչքերի, սեռական օրգանների լորձաթաղանթները, մաշկի ցանկացած տեղամասեր: Մինչև մաշկի և լորձաթաղանթների վրա փոփոխությունների ի հայտ գալը կարող է նկատվել մարմնի ջերմաստիճանի բարձրացում, դող, ցավ կոկորդում, գլխացավեր: Վերջինս ավելի ծանր ձևն է, որի ժամանակ առաջանում է մաշկի ընդարձակ շերտատում, որը ընդգրկում է մարմնի մակերևույթի ավելի, քան 30 տոկոսը:): Հիվանդները առավել մեծ ռիսկի ենթարկվում են թերապիայի սկզբնական փուլերում, մեծ մասամբ ռեակցիաները առաջանում են դեղամիջոցն ընդունելու առաջին ամսում: Հայտնի է դարձել նաև սուր ընդհանրացված էկզանտեմատոզային պուստուլեզի (կարմիր տարածված քորվող, մաշկի նակերևույթից բարձր ցանի, բշտերի մասին, որոնք հիմնականում տեղակայվում են մաշկային ծալքերում, մարմնի  և վերին վերջույթների վրա, բուժման սկզբում ուղեկցվում են տենդով) իբուպրոֆեն պարունակող դեղամիջոցներ ընդունելիս:

Լուրջ մաշկային ռեակցիաների հատկանիշների և ախտանիշների ի հայտ գալու դեպքում, այնպես, ինչպես մաշկային ցանն է, լորձաթաղանթների ախտահարումը, բշտերը կամ ալերգիայի ցանկացած այլ հատկանիշը, անհապաղ դադարեցրեք դեղամիջոցն ընդունելը և դիմեք բժշկին:

-                     Հավանականություն կա, որ ցիկլոօքսիգենազը և պրոստոգլանդինների սինթեզը ճնշող միջոցները կարող են խաթարել կանացի վերարտադրողական ֆունկցիայի աշխատանքը` օվալյուացիայի վրա ազդելու ճանապարհով, ինչը դառնալի է բուժումը չեղարկելուց հետո:

Օժանդակ նյութեր.

Դեղամիջոցի կազմի մեջ մտնում է սպիտակ բյուրեղային շաքար: Հայտնեք Ձեր բժշկին, եթե ավելի վաղ շրջանում ունեցել եք անհանդուրժողականություն որոշ շաքարների նկատմամբ, նախքան Ձեզ այդ դեղամիջոցը նշանակելը: 5 մլ դեղամիջոցը պարունակում է 1000.0 մգ (0.1XE) սպիտակ բյուրեղային շաքար (սախարոզ),, ինչը պետք է հաշվի առնել շաքարային դիաբետ ունեցող հիվանդների համար: 5,0 մլ դեղամիջոցի մեջ մտնում է 85,5 մգ պրոպիլենգլիկոլ (E1520): Դեղամիջոցի բաղադրության մեջ մտնում է մեթիլպարահիդրօքսիբենզոատ (E218) և պրոպիլպարահիդրօքսիբենզոատ (E216), որոնք կարող են հարուցել ալերգիկ ռեակցիաներ (այդ թվում նաև հետաձգված):

Վարակի քողարկումը

ՈՀԲՄ կարող են քողարկել վարակի հատկանիշներն ու ախտանիշները, այնպես, ինչպես տենդն է և ցավը: Ուստի և հնարավոր է, որ Նուրոտոն^@ կարող է հետաձգել վարակի համապատասխան բուժումը, ինչը կարող է բերել բարդացումների բարձր ռիսկին: Դա նկատվել է պնևմոմանիայի ժամանակ, որը հարուցվել է բակտերիաներով և բակտերիալ մաշկային վարակներով, կապված ջրծաղիկի հետ: Եթե Նուրոտոն^@ կիրառվում է տենդի կամ ցավազրկման համար, կապված վարակների հետ, խորհուրդ է տրվում վարակի մոնիթորինգ: Ոչ հիվանդանոցային պայմաններում հիվանդը պետք է խորհրդակցի բժշկի հետ, եթե ախտանիշները պահպանվում են կամ վատանում են:

Ընդունումը հղիության և կրծքով կերակրելու շրջանում

Եթե հղի եք կամ երեխային կերակրում եք կրծքով, եթե այս պահին չեք բացառում հղիության առկայությունը կամ եթե պլանավորում եք հղիանալ, խնդրում ենք, խորհրդակցեք բժշկի հետ, նախքան դեղամիջոցն ընդունելը:

Եթե Նուրոտոն^@ դեղամիջոցն ընդունելու գործընթացում ենթադրում եք, կամ պարզում եք, որ հղի եք, խորհրդակցեք բժշկի հետ այլընտրանքային բուժման մասին: Նուրոտոն^@ դեղամիջոցն ընդունելը հղիության ժամանակ կարող է վնաս հասցնել Ձեր երեխային:

Պրոստոգլանդինների սինթեզի արգելակումը կարող է բացասաբար անդրադառնալ հղիության վրա: Համաճարակաբանական հետազոտությունների տվյալները ենթադրում են վիժումների, սրտի արատի զարգացման և որովայնային պատի (գաստրոշիզիսի) բնածին դեֆեկտի զարգացման ռիսկի մեծացում` պտղի մոտ, հղիության վաղ շրջաններում պրոստոգլանդինների սինթեզի արգելակիչներ ընդունելու դեպքում:

Հավանական է, ռիսկը մեծանում է դեղաչափի մեծացման և դեղամիջոցը երկարատև ժամանակահատվածում ընդունելու հետ:

Կենդանիների վրա կատարված իբուպրոֆենի փորձարկումները տերատատային էֆեկտ չեն հայտնաբերել: Այնուամնեայնիվ, հարկավոր է խուսափել իբուպրոֆեն ընդունելուց հղիության առաջին 6 ամիսների ընթացքում:

Հղիության երրորդ եռամսյակի ընթացքում իբուպրոֆեն ընդունելը հակացուցված է, կապված պտղի արթերիալ հոսքը ժամանակից շուտ փակվելու հետ, հնարավոր պերսիզտիզ թոքային հիպերտենզիայի, պտղի երիկամների ֆունկցիայի խանգարման (ընդհուպ մինչև երիկամային անբավարարության զարգացում` ջրազրկման հետ): Կարող է հետաձգվել ծննդաբերական գործունեության սկիզբը, մեծանալ ծննդաբերության տևողությունը և արյունահոսության ռիսկը (հակաագրեցիոն էֆեկտը  կարող է նշվել նույնիսկ շատ փոքր դեղաչափեր ընդունելու դեպքում), ինչպես մոր այնպես էլ երեխայի մոտ, արգանդի կծկումների ճնշում (ինչը կարող է բերել ծննդաբերության սկզբի ուշացման կամ այն դարձնել ավելի երկարատև):

Լակտացիայի շրջան

Իբուպրոֆենը, ոչ մեծ քանակներով, կարող է անջատվել կրծքի կաթի հետ, ուստի և խորհուրդ է տրվում դադարեցնել կրծքով կերակրելը բուժման ընթացքում:

Ազդեցությունը  տրանսպորտային  միջոցներ կամ շարժական այլ մեխանիզմներ կառավարելու վրա

Այնպիսի անցանկալի էֆեկտներ, ինչպես գլխապտույտն է, քնկոտությունը, հոգնածությունը և տեսողության խանգարումները, հնարավոր են ՈՀԲՄ ընդունելու ժամանակ:

Հայտնի չեն դեպքերի մասին, երբ իբուպրոֆենը` սուզպենզիայի տեսքով և 100 մգ/5 մլ դեղաչափով ազդել է փոխադրամիջոցներ կամ այլ մեխանիզմներ վարելու ընդունակության վրա, խորհուրդ տրվող դեղաչափերի և խորհուրդ տրվող ժամանակահատվածի ընթացքում:

Թողարկման ձևը և փաթեթավորումը

100 գ –ով պոլիէթիլենտերեֆտալատից պլաստմասե տարաների մեջ, փակված պոլիմերից պատրաստված պտուտակային փականներով կամ կափարիչներով, երեխաների կողմից բացվելուց պաշտպանությամբ`  պոլիէթիլենային ներդիրով: Յուրաքանչյուր սրվակ, ներարկիչ-դոզատորի հետ, 5 մլ, նարնջագույն կամ սպիտակ մխոցով, ներդիրով` ներակիչ-դոզատորի համար և բժշկական օգտագործման վերաբերյալ հրահանգ-ցուցումների հետ տեղավորված է  ստվարաթղթե տուփի մեջ: Ներարկիչ-դոզատորի ներդիրը կարող է դրվել սրվակի ծայրին կամ տուփի մեջ առանձին, ներարկիչ-դոզատորի հետ կոմպլեկտի մեջ:Ներարկիչ-դոզատորը կամ ներարկիչ-դոզատորի կոմպլեկտը և ներդիրը տեղադրվում են ստվարաթղթե տուփի մեջ` թափանցիկ կամ սպիտակ պաշտպանիչ անհատական փաթեթի մեջ, կամ առանց փաթեթի:

Պահպանման պայմանները

Պահել 25⁰C ոչ բարձր ջերմաստիճաններում: Պահել երեխաների համար անմատչելի տեղում:

Պահպանման ժամկետը

3 տարի: Պահպանման ժամկետը նշված է փաթեթի վրա:

Չօգտագործել պահպանման ժամկետը լրանալուց հետո, որը նշված է փաթեթի վրա:

Բացելուց հետո պահպանման ժամկետը` 6 ամիս:

Դեղատնից բաց թողման պայմանները

Առանց դեղատոմսի:

Արտադրված է պատվերով. «Գիգա Ֆարմ» ՍՊԸ:Հայաստանի Հանրապետություն, ք.Գյումրի, Գոգունցի փող.,3/5, Հեռ.: +3749000264,  +79896335759, e-mail:gig.am@mail.ru, www.gigafarm.ru:

Պահանջներ և հավակնություններ ընդունող կազմակերպություն. «Գիգա Ֆարմ» ՍՊԸ: Հայաստանի Հանրապետություն, ք.Գյումրի, Գոգունցի փող.,3/5, Հեռ.: +37477 67 61 83,  E-mail: Arevik.9187@mail.ru

Գրանցման վկայականի սեփականատեր. «Գիգա Ֆարմ»ՍՊԸ, Հայաստանի Հանրապետություն:

«Նուրոտոն^@» հանդիսանում է «Գիգա Ֆարմ»ՍՊԸ առևտրային ապրանքանիշը: Արտադրող. «Ֆարմատեխնոլոգիա» ՍՊԸ Բելառուսի Հանրապետություն, 220024 ք. Մինսկ, Կորժենեվսկու փող., 22: