Նյուկոֆեն N200

Թերթիկ-ներդիր

(Տեղեկատվություն օգտագործողների համար)

Նյուկոֆեն

Հաբեր

Գրանցման վկայական № 16198

Պատրաստուկի առևտրային անվանումը – Նյուկոֆեն

Հայտնի գեներիկների համակցությունը. Պարացետամոլ /Ացետիլսալիցիլային թթու/

                                                                       Կոֆեին

                                                                       Paracetamol /Acetylsalicylic acid/Caffeine

Ընդհանուր բնութագիրը

Հիմնական ֆիզիկա-քիմիական հատկությունները

Կլորավուն հարթ հաբեր, սպիտակ կամ գրեթե սպիտակ գույնի, մեկ կողմում ուռուցիկ և երկկողմանի երեսակով, ացետիլսալիցիլաթթվի յուրահատուկ հոտով:

Բաղադրությունը

Մեկ հաբը պարունակում է.

Ակտիվ  նյութեր. պարացետամոլ -200մգ, ացետիլսալիցիլային թթու – 200 մգ, կոֆեին – 40 մգ:

Օժանդակ նյութեր. Կիտրոնաթթու, միկրոբյուրեղային ցելյուլոզ, պովիդոն, եգիպտացորենի օսլա, նատրիումի օսլայի գլիկոլատ, մագնեզիումի ստեարատ:

Դեղաբանական խումբը և ԱԹՔ կոդը

Այլ անալգետիկներ-հակապիրետիկներ, պարացետամոլ այլ պատրաստուկների հետ համակցությունների մեջ (բացառությամբ հոգեմետները): Կոդ ԱԹՔ – NO2BE51:

Դեղաբանական ազդեցությունը

Համակցված պատրաստուկ, որի ազդեցությունը պայմանավորված է նրա կազմի մեջ մտնող բաղադրիչների էֆեկտներով: Ացետիլսալիցիլային թթուն և պարացետամոլը թողնում են ջերմիջեցնող,հակաբորբոքիչ և անալգեզացնող ազդեցություն, պայմանավորված պրոստոգլանդինների սինթեզի արգելակմամբ: Կոֆեինը ազդում է գլխուղեղի անոթների տոնուսի վրա, ինչպես նաև այդ համակցության մեջ ուժեղացնում է ացետիլսալիցիլաթթվի և պարացետամոլի ազդեցությունը: Պատրաստուկի առավելագույն ազդեցությունը զարգանում է 10 – 60 րոպեի ընթացքում:

Ե՞րբ ընդունել Նյուկոֆեն պատրաստուկը:

Նյուկոֆեն պատրաստուկը կարելի է ընդունել բուժման համար.

-         Տարբեր գենեզի թույլ կամ չափավոր ինտենսիվության ցավային համախտանիշի (այդ թվում, գլխացավ, ատամնացավ, նևրալգիա,միալգիա, արթրալգիա);

-         Տենդի` մրսածության և վարակային-բորբոքային հիվանդությունների ժամանակ;

Ինչպե՞ս ընդունել Նյուկոֆեն պատրաստուկը

Ցավային համախտանիշը մեղմելու համար (այդ թվում, բորբոքային գենեզի, տենդային վիճակների,) ռևմատիկ հիվանդությունների ժամանակ մեկ անգամյա դեղաչափը մեծահասակների համար կազմում է 1 հաբ, օրականը ` մինչև 6 հաբ:

Այս մասին պետք է իմանալ:

Չգերազանցել խորհուրդ տրվող, բժշկի կողմից նշանակված դեղաչափերը:

 Զգուշությամբ պետք է Նյուկոֆեն պատրաստուկը նշանակել հիվանդներին, լյարդի և երիկամների ֆունկցիայի խանգարման դեպքում:

Երկարատև ընդունման դեպքում հնարավոր է հեպատո- և նեֆրոտոքսիկության զարգացում: Խորհուրդ չի տրվում Նյուկոֆեն պատրաստուկը  միաժամանակ ընդունել պատրաստուկների հետ, որոնք պարունակում են ացետիլսալիցիլային թթու և/կամ պարացետամոլ:

Խորհուրդ չի տրվում Նյուկոֆեն պատրաստուկը ընդունել պարրաստուկների հետ, որոնք  ինդուկցում են լյարդի միկրոսոմալ ֆերմենտներ (բարբիտուրատներ, հակաէպիլեպտիկ պատրաստուկներ, ռիֆամպիցին, էթանոլ): Միաժամանակ ընդունելու դեպքում Մետոկլոպրամիդը կարող է ուժեղացնել, իսկ պրոբենեցիդը` փոքրացնել պարացետամոլի ներծծումը: Միաժամանակ ընդունելու դեպքում, պատրաստուկն ընդունելուց հետո 1 ժամվա ընթացքում խոլեստիրամինը փոքրացնում է պարացետամոլի ներծծումը:

Նյուկոֆեն պատրաստուկով բուժման ժամանակ  պետք է խուսափել ալկոհոլ ընդունելուց (դիսուլֆիրամի նման  հարուցում է անհանդուրժողականություն ալկոհոլի նկատմամբ): Մինչև 16 տարեկան երեխաներին չի կարելի նշանակել Նյուկոֆեն պատրաստուկը, քանի որ վիրուսային վարակի դեպքում ացետիլսալիցիլաթթուն ընդունակ է մեծացնել Ռեյի համախտանիշի առաջացման ռիսկը: Ռեյի համախտանիշի ախտանիշներ են հանդիսանում երկարատև փսխումները, սուր էնցեֆալոպատիան, լյարդի մեծացումը:

Պատրաստուկը տևական ժամանակ ընդունելու դեպքում անհրաժեշտ է վերահսկողության տակ պահել ծայրամասային արյունը և լյարդի ֆունկցիոնալ վիճակը:

Քանի որ ացետիլսալիցիլային թթուն դանդաղեցնում է արյան մակարդելիությունը, ապա հիվանդը, որին սպասվում է վիրահատական միջամտություն, պետք է նախապես զգուշացնի բժշկին պատրաստուկ ընդունելու մասին:

Բարձր զգայունությամբ կամ սալիցիլատների կամ նրանց ածանցյալների նկատմամբ ասթմոիդային ռեակցիաներ ունեցող հիվանդներին Նյուկոֆեն պատրաստուկը կարելի է նշանակել միայն զգուշության հատուկ միջոցներ պահպանելով (անհետաձգելի օգնության ծառայության պայմաններում):

Ացետիլսալիցիլային թթուն փոքր դեղաչափերով փոքրացնում է միզաթթվի դուրս բերումը: Համապատասխան հակվածություն ունեցող հիվանդների մոտ մի շարք դեպքերում դա կարող է հարուցել հոդատապի (պոդագրա) նոպա:

Պատրաստուկի օգտագործումը հղիության կամ կրծքով կերակրելու շրջանում:

Նյուկոֆեն պատրաստուկի օգտագործումը հղիության կամ կրծքով կերակրելու շրջանում, արգելվում է: Քանի որ ացետիլսալիցիլային թթուն ընկնում է կրծքի կաթի մեջ, հետևաբար, չի կարող օգտագործվել կրծքով կերակրելու շրջանում, դա կարող է մեծացնել Ռեյի համախտանիշի զարգացման ռիսկը, իսկ բարձր դեղաչափերը կարող են բերել թրոմբոցիտներիֆունկցիայի խանգարման:

Լաբորատոր ցուցանիշների վերահսկողությունը

Նյուկոֆեն պատրաստուկով բուժման շրջանում պետք է վերահսկել ծայրամասային արյան պատկերը և լյարդի ֆունկցիան: Անհրաժեշտ է հայտնել բժշկին, եթե հիվանդը Նյուկոֆեն պատրաստուկի հետ միաժամանակ ընունում է այլ դեղեր:

Ի՞նչ ախտանիշներ կարող են լինել գերդեղաչափավորման դեպքում:

Ախտանիշները. Թեթև ինտոքսիկացիաների ժամանակ – սրտխառնոց, փսխումներ, գաստրալգիա, գլխապտույտներ, զանգ ականջների մեջ;

Ծանր ինտոքսիկացիա – աբդոմինալ ցավ (կարող է լինել լյարդի վնասված լինելու առաջին ցուցանիշներից մեկը), արգելակվածություն, քնկոտություն, կոլապս, ջզաձգումներ, բրոնխոսպազմ, դժվարացած շնչառություն, անուրիա, արյունահոսություն: Սկզբնական շրջանում կենտրոնական հիպերօդափոխություն: