ԶԱՆՈՏԱԶՈՆ N20

Թերթիկ-ներդիր. Զանոտազոն 50 000 ME փափուկ գելային պատիճներ Խոլեոկալցիֆերոլ (վիտամին D) օգտագործողների համար

 

Նախքան դեղամիջոցն օգտագործելը, ուշադիր կարդացեք ներդիրը, որը Ձեզ համար կարևոր տեղեկատվություն է պարունակում:

·         Պահպանեք ներդիրը: Հնարավոր է, այն ևս մեկ անգամ կարդալու անհրաժեշտություն լինի:

·         Լրացուցիչ հարցեր ծագելու դեպքում դիմեք բժշկին կամ դեղագետին:

·         Դեղամիջոցը նշանակվում է միայն Ձեզ համար: Մի փոխանցեք այն ուրիշ մարդկանց: Այն կարող է վնասակար լինել նրանց համար, եթե անգամ Ձեզ մոտ հիվանդության ախտանիշները համընկնում են:

·         Կողմնակի էֆեկտներ ի հայտ գալու դեպքում խորհրդակցեք բժշկի կամ դեղագետի հետ: Կողմնակի էֆեկտները ներառում են նաև ցանկացած կողմնակի էֆեկտ, որը թվարկված չէ սույն թերթիկ-ներդիրի մեջ: Տես. բաժ.4:

 

Ինչ է պարունակում թերթիկ-ներդիրը. 

1.      Ինչ է Զանոտազոնը և ինչի համար են այն օգտագործում:

2.      Ինչ պետք է իմանալ Զանոտազոն ընդունելուց առաջ:

3.      Ինչպես ընդունել Զանոտազոնը:

4.      Հնարավոր կողմնակի էֆեկտները

5.      Ինչպես պահպանել Զանոտազոնը:

6.      Փաթեթի պարունակությունը և այլ տեղեկություններ

 

1.            Ինչ է Զանոտազոնը և ինչի համար են այն օգտագործում

·         Զանոտազոնը պարունակում է խոլեկալցիֆերոլ (վիտամին D₃): Վիտամին D₃ կարելի է գտնել մի քանի մթերքների մեջ, այն կարող է նաև արտադրվել օրգանիզմի կողմից, մաշկի վրա արևի ճառագայթների ազդեցության տակ: Վիտամին D₃ օգնում է երիկամներին և աղիներին  աբսորբացնել կալցիումը և մասնակցում է ոսկրային հյուսվածքի ձևավորմանը:

·         Զանոտազոնը օգտագործվում է.

·         Վիտամին D դեֆիցիտը կանխարգելելու համար, երբ առկա է դեֆիցիտի առաջացման կամ վիտամին D բաձր պահանջարկի վտանգ;

·         Այլ դեղամիջոցային պատրաստուկների հետ, որոշ ոսկրային հիվանդություններ բուժելու համար, այնպես, ինչպես ոսկրերի բարակելն է (օստեոպորոզը)

·         Վիտամին  D դեֆիցիտը բուժելու համար, որը հաստատվել  է լաբորատոր անալիզով և ռախիտով:

 

2.                  Ինչ պետք է իմանալ Զանոտազոն ընդունելուց առաջ:

Պետք չէ ընդունել Զանոտազոն.

·         Եթե ալերգիա ունեք Վիտամին D₃ կամ տվյալ դեղամիջոցի ցանկացած այլ բաղադրիչի նկատմամբ (տես. բաժին 6):

·         Եթե բարձր է կալցիումի մակարդակը Ձեր արյան (հիպերկալցիեմիա) կամ մեզի մեջ (հիպերկալցիուրիա);

·         Եթե երիկամներում քարեր ունեք;

·         Եթե ունեք լյարդի անբավարարություն;

·         Եթե Ձեզ մոտ բարձր է Վիտամին D₃ մակարդակը արյան մեջ (հիպերվիտամինոզ D);

·         Եթե Ձեզ մոտ պսեվդոհիպոպարաթիրեոզ կա (պարաթիրեոիդային հորմոնների մեթաբոլիզմի խանգարում);

·         Եթե հղի եք;

·         Եթե դեռ չի լրացել Ձեր 18 տարին:

Եթե վերը թվարկված վիճակներից որևէ մեկը վերաբերվում է Ձեզ, ապա նախքան Զանոտազոն ընդունելը խորհրդակցեք բժշկի կամ դեղագետի հետ:

 

Զգուշացումներ և նախազգուշական միջոցառումներ

Նախքան Զանոտազոն ընդունելը խորհրդակցեք բժշկի կամ դեղագետի հետ, եթե.

·         Տառապում եք սարկոիդոզով (իմունային համակարգի խանգարումներով, որը կարող է բերել օրգանիզմում Վիտամին D₃ մակարդակի բարձրացմանը);

·         Ընդունում եք Վիտամին D₃  պարունակող դեղեր կամ սնվում եք մթերքներով կամ  խմում եք կաթ, որոնք հարստացված են  Վիտամին D₃ –ով;

·         Զանոտազոն ընդունելու ժամանակ գտնվելու եք արևի ճառագայթների երկարատև ազդեցության տակ;

·         Ընդունում եք հավելումներ, որոնք պարունակում են կալցիում: Բժիշկը պետք է վերահսկի կալցիումի մակարդակը արյան մեջ, համոզվելու համար, որ այն չափազանց բարձր չէ Զանոտազոն օգտագործելու շրջանում;

·         Ունեք երիկամների հիվանդություն: Բժիշկը պետք է չափի կալցիումի մակարդակը արյան և մեզի մեջ:

·         Դեղային մթերքը պարունակում է մեթիլպարահիդրօքսիբենզոատ և պրոպիլպարահիդրօքսիբենզոատ, ինչը կարող է բերել ալերգիկ ռեակցիաների;

·         Երեխաներ

·         Չի  կարելի ընդունել պատրաստուկը երեխաներին և 18-ը չլրացած դեռահասներին:

 

Զանոտազոնի համադրությունը այլ դեղամիջոցների հետ

Խորհրդակցեք բժշկի կամ դեղագետի հետ, եթե ընդունում եք, վերջերս ընդունել եք կամ պատրաստվում եք ընդունել ցանկացած այլ դեղամիջոց: Դա հատկապես կարևոր է այն դեպքերում, եթե Դուք ընդունում եք.

·         Դեղապատրաստուկներ, որոնք ազդում են սրտի կամ երիկամների վրա, այնպես, ինչպես սրտային գլիկոզիդներն են (օրինակ, դիգոքսինը) և միզամուղներ (օրինակ, բենդրոֆլումետիազիդ):

·         Վիտամին D₃ հետ միաժամանակ օգտագործելու դեպքում այդ դեղապատրաստուկները կարող են հարուցել կալցիումի մակարդակի զգալի բարձրացում  արյան և մեզի մեջ;

·         Վիտամին D₃ պարունակող դեղապատրաստուկները կամ սննդամթերքը, որը հարուստ է Վիտամին D₃-ով, օրինակ, կաթի մի քանի տեսակներ, որոնք հարստացված են Վիտամին D₃-ով;

·         Ակտինոմիցին (քաղցկեղի որոշ ձևերի բուժման համար օգտագործվող  դեղ) և իմիդազոլային հակասնկային միջոցներ (օրինակ, կլոտրիմազոլ և կետոկոնազոլ, դեղամիջոցներ, որոնք օգտագործվում են սնկային հիվանդություններ բուժելու համար);

·         Ստորև բերվող դեղպատրաստուկները, քանի որ նրանք կարող են ազդել Վիտամին D₃ ազդեցության կամ կլանման վրա.

-       Հակաէպիլեպտիկ պատրաստուկներ (հակաջղաձգումային միջոցներ), բարբիտուրատներ

-       Գլյուկոկորտիկոիդներ (ստերոիդային հորմոններ, այնպես, ինչպես հիդրոկորտիզոնն է կամ պրեդնիզոլոնը): Նրանք կարող են իջեցնել Վիտամին D₃ ազդեցությունը;

-       Դեղապատրաստուկներ, որոնք իջեցնում են խոլեստերինի մակարդակը արյան մեջ (օրինակ, խոլեստիամին կամ կոլեստիպոլ);

-       Որոշ դեղապատրաստուկներ` քաշը իջեցնելու համար, որոնք փոքրացնում են օրգանիզմի կողմից կլանվող ճարպի քանակը (օրինակ, օրլիստատը);

-       Որոշ թուլացնողներ (օրինակ, հեղուկ պարաֆինը):

Զանոտազոնի օգտագործումը սննդի և ըմպելիքների հետ

Տես. բաժին 3 «Ինչպես ընդունել Զանոտազոնը»

Հղիություն և կրծքով կերակրելը

Եթե հղի եք կամ կերակրում եք կրծքով, կամ կարծում եք, որ հղի եք կամ պլանավորում եք երեխա ունենալ, նախքան դեղամիջոցն ընդունելը խորհրդակցեք բժշկի կամ դեղագետի հետ:

Խորհուրդ չի տրվում պատրաստուկն ընդունել հղիներին և կերակրող մայրերին:

Մեքենաներ վարելն ու շահագործումը

Տեղեկատվությունը դեղապատրաստուկի հնարավոր ազդեցության մասին փոխադրամիջոցներ վարելու ընդունակության վրա, սահմանափակ է: Սակայն, ենթադրաբար դեղապատրաստուկը չի ազդում փոխադրամիջոցներ վարելու կամ մեքենաներ շահագործելու ընդունակության վրա:

 

3.            Ինչպես ընդունել Զանոտազոնը

Պատրաստուկը միշտ ընդունեք այնպես, ինչպես Ձեզ ցույց է տվել բժիշկը կամ դեղագետը:

Խորհրդակցեք բժշկի կամ դեղագետի հետ, եթե վստահ չեք: Պատիճները պետք է կուլ տալ ամբողջությամբ և վրայից ջուր խմել:

Նախընտրելի է Զամոտազոնը ընդունել մեծ քանակությամբ ուտելիքի հետ, որպեսզի օգնեք օրգանիզմին յուրացնել վիտամին D:

Մեծահասակների ընդունումը

Խորհուրդ տրվող օրական դեղաչափը.

Վիտամին D դեֆիցիտը բուժելու համար. 50 000ME/շաբաթվա մեջ (1 պատիճ) 6 – 8 շաբաթվա ընթացքում, հաջորդող պահպանող բուժմամբ (1400-2000 ME/ օրական, 1 պատիճ, ամսվա մեջ):

Երեխաների և դեռահասների ընդունումը

Խորհուրդ չի տրվում այս պատրաստուկը ընդունել երեխաներին և դեռահասներին:

Ընդունումը հղիության և կրծքով կերակրելու շրջանում

Խորհուրդ չի տրվում այս պատրաստուկը ընդունել հղիության և կրծքով կերակրելու շրջանում:

Եթե ընդունել եք Զանոտազոնի դեղաչափ, որը գերազանցում է ցուցված քանակը

Եթե ընդունել եք Զանոտազոնի դեղաչափ, որը գերազանցում է ցուցված քանակը, ապա դադարեցրեք պատրաստուկն ընդունելը և դիմեք բժշկին: Եթե հնարավոր չէ դիմել բժշկին, ապա դիմեք մոտակա հիվանդանոցի շտապ օգնության կայան և  Ձեզ հետ վերցրեք դեղամիջոցը: Գերդեղաչափավորման առավել տարածված ախտանիշներից է սրտխառնոցը, փսխումները, խիստ ծարավը, մեզի մեծ քանակության արտադրությունը 24 ժամվա ընթացքում, փորկապությունները և ջրազրկումը, կալցիումի բարձր մակարդակը արյան մեջ (հիպերկալցիեմիա և հիպերկալցիուրիա), որոնք ամրագրվել են լաբորատոր անալիզի արդյունքում:

 

Եթե մոռացել եթ Զանոտազոն ընդունելը

Եթե մոռացել եք Զանոտազոն ընդունել, ապա ընդունեք բաց թողնված դեղաչափը, որքան հնարավոր է շուտ: Հետո ընդունեք հաջորդ դեղաչափը, արդեն անհրաժեշտ ժամանակին: Սակայն, եթե արդեն հաջորդ դեղաչափն ընդունելու  ժամանակն է, ապա բաց թողած դեղաչափը ընդունելու կարիք չկա, սահմանափակվեք հաջորդ դեղաչափն ընդունելով:

Մի ընդունեք կրկնակի դեղաչափ, փոխհատուցելու նպատակով բաց թողած դեղաչափը:

Զանոտազոնի ընդունման դադարեցումը

Եթե լրացուցիչ հարցեր ունեք այս դեղապատրաստուկն ընդունելու վերաբերյալ, խորհրդակցեք բժշկի կամ դեղագետի հետ:

 

4.            Հնարավոր կողմնակի էֆեկտները

Ինչպես և բոլոր դեղապատրաստուկները, այս դեղամիջոցը կարող է հարուցել կողմնակի էֆեկտներ, սակայն ոչ բոլորի մոտ:

Հնարավոր կողմնակի էֆեկտները ներառում են.

Երբեմն (100 մարդուց մեկի մոտ)

·         Կալցիումի բարձր մակարդակ արյան մեջ (հիպերկալցիեմիա),

·         Կալցիումի բարձր մակարդակ մեզի մեջ (հիպերկալցիուրիա):

Հազվադեպ (1000 մարդուց մեկի մոտ).

·         Մաշկային ցան

·         Քոր

·         Եղնջատենդ:

Հաշվետվողականությունը կողմնակի էֆեկտների մասին

Կողմնակի էֆեկտների առկայության դեպքում խորհրդակցեք բժշկի կամ դեղագետի հետ:

Կողմնակի էֆեկտները ներառում են ցանկացած հնարավոր կողմնակի էֆեկտներ, որոնք թվարկված չեն սույն ներդիրում:

 

5.            Ինչպես պահպանել Զանոտազոնը

Դեղապատրաստուկը պետք է պահել երեխաների համար անմատչելի տեղում:

Մի օգտագործեք դեղապատրաստուկը, պիտանելիության ժամկետն անցնելուց հետո, որը նշված է փաթեթի վրա «Exp» բառից հետ:

 Պիտանելիության ժամկետի սպառման ամսաթիվը նշանակում է ամսվա վերջին օրը:

Պահպանել 25⁰C ոչ բարձր ջերմաստիճաններում, բնօրինակ փաթեթի մեջ, պահպանելու համար լույսից և խոնավությունից:

Պետք չէ նետել դեղամիջոցները կոյուղաջրերի կամ կենցաղային աղբի մեջ: Խնդրեք դեղագետին Ձեզ ցույց տալ` ինչպես ձերբազատվել դեղերից, որոնք այլևս չեք օգտագործում: Այդ միջոցառումները կօգնեն պահպանել շրջակա միջավայրը:

 

6.            Փաթեթի պարունակությունը և այլ տեղեկություններ

Ինչ է պարունակում Զանոտազոնը.

·         Ակտիվ նյութը  հանդիսանում է խոլեկալցիֆերոլը (Վիտամին D₃):

Յուրաքանչյուր փափուկ գելային պատիճը պարունակում է 50 000 ME խոլեկալցիֆերոլ, ինչը համապատասխանում է 1.25 մգ խոլեկալցիֆերոլին:

·         Այլ բաղադրիչների թվին պատկանում են եգիպտացորենի յուղը, բուտիլացված հիդրօքսիանիզոլը, բուտիլացված հիդրօքսիտոլուոլը, նատրիումի մեթիլպարաբենը, նատրիումի պրոպիլպարաբենը, գլիցերինը, դոնդողնյութը և մաքրված ջուրը:

Ինչ տեսք ունի Զանոտազոնը, փաթեթի պարրունակությունը:

Զանոտազոն 50 000 ME  դեղին օվալաձև փափուկ պատիճ է: Այն պարունակում է դեղնավուն  յուղային հեղուկ:

Յուրաքանչյուր տուփի մեջ կա 20 պատիճ, որոնք փաթեթավորված են բլիստերի մեջ:

 

 

Արտադրող

Զագրավի դեղաբանական ընկերություն: Իսլամական Հանրապետություն: Իրան; Տեղական հասցեն: Ալինասաբ արդյունաբերական քաղաք, Սերում Դարու փ., ուղղությունը` Գյուղատնտեսական կենտրոն, 19 կմ: Թեհրան-ռոուդ, Թեբրիզ, Իրան:

Փոստային ինդեքս. 51575-5367: Վեբ-կայք.wwwzahravipharma.com: